Мамлекеттик салык кызматы 2026-жылдын 1-январынан тарта алкоголдук продукцияга салынган акциз салыгынын ставкасы жогорулаганын эскертти. Атап айтканда, аракка салынган салык литрине 200 сомго чейин көбөйтүлдү.

Маалыматка ылайык, Министрлер кабинети 2025-жылдын 18-декабрында токтом кабыл алган. Анда 2026-жылдан 2029-жылга чейин аталган продукцияга акциз салыгынын ставкаларын этап менен жогорулатуу каралган.

Белгилей кетсек, 2025-жылдын 11 айында Кыргызстандын өзүндө өндүрүлгөн алкоголдук продукциядан бюджетке 3 млрд 448,3 млн сом акциз салыгы түшкөн.