22-майда Казакстандын Айтибий районунун Угайсын айылынын жанында Самара-Шымкент автожолунун 1013-чакырымында кыргызстандыктар бара жаткан унаа жол кырсыгына кабылды. Бул тууралуу Тышкы иштер министрлиги билдирди.

Кырсыкта 27 жаштагы 3 кыргыз жараны жабыркап, алардын бирөө, У.И.У. каза болду. Учурда анын сөөгүн Кыргызстанда жөнөтүү маселеси каралууда.

Азыркы учурда эки жаран ооруканада дарыгерлердин көзөмөлүндө. Алардын биринин абалы оор, экинчиси денесинен жеңил жаракат алган.

Казакстандын Өзгөчө кырдаалдар министрлигинин маалыматында, жол кырсыгында автомобиль жүк ташуучу унаа менен кагылышкан.