Өзгөн районунун Баш-Дөбө айыл аймагындагы мал союучу жайдын иши токтотулуп, имараты жабылды. Бул тууралуу Суу ресурстары, айыл чарба жана кайра иштетүү өнөр жайы министрлигт билдирди.

Аталган жай интернет булактарында мал союучу жайдан чыккан калдыктар каналга агып жатканы тууралуу тараган маалыматтын негизинде жүргүзүлгөн текшерүүдөн кийин жабылды. Текшерүүдө имараттын септиги толуп калгандыктан, кан калдыктары сыртка чыккандыгы такталган.

Министрлик мал союу иштери ветеринардык-санитардык талаптарга ылайык курулган башка жайда жүргүзүлө тургандыгын маалымдады.

Ошондой эле Ветеринардык жана фитосанитардык көзөмөл кызматы мындай жайлардын талаптарга ылайык иштөөсүн көзөмөлдөөнү улантары айтылды.