Сентябрь айынан тарта “Кеген” көзөмөл өткөрүү пункту аркылуу эл аралык Каракол-Алматы-Каракол автобустук каттамдары жүрө баштайт. Бул тууралуу президенттин басма сөз катчысы Аскат Алагозов Фейсбуктагы баракчасында жарыялады.

Анын айтымында, аталган каттам жыл бою иштейт. Учурда Кыргызстандын транспорт министрлиги Казакстан тарап менен каттамды жандантуу үчүн тиешелүү иштерди алып барууда.

“Эми үстүбүздөгү жылдын сентябрынан тарта союз маалында каттап, эгемендүүлүк жылдары ар кыл себеп менен токтоп калган эл аралык маанидеги Каракол-Алматы-Каракол автобустук каттамдары жанданат”,- деп билдирди ал.