Кыргыз Республикасынын Президенти Садыр Жапаровдун чакыруусу менен Өзбекстандын Президенти Шавкат Мирзиёев 30-июлда Кыргызстанга мамлекеттик сапар менен келет.

Сапардын алкагында президенттердин тар курамдагы жана кеңейтилген форматтагы сүйлөшүүлөрү пландалган. Жолугушуунун жыйынтыгында мамлекеттер аралык, өкмөттөр аралык жана ведомстволор аралык бир катар документтерге кол коюу күтүлүүдө.

Белгиленгендей, алдыдагы мамлекеттик сапар достук, өз ара ишеним жана колдоо принциптерине негизделген кыргыз-өзбек мамилелерин мындан ары чыңдоодогу маанилүү этап болот.