Эмгек рыногунда аялдар эркектерге караганда азыраак. Бул туурасында Улуттук статистикалык комитетинен билдиришти.

Маалыматка караганда, 2020-жылы эркектердин эмгекке катышуусу 75%ды, аялдардыкы 46%ды түздү. Эгерде айылдык жана шаардык аялдарды салыштырсак, бул жерден чоң айырманы көрүүгө болот. Шаарларда аялдардын эмгекке тартылуусу 49%ды, айыл жеринде 44%ды түзөт. Экономикалык активдүү эмес калктын арасында аялдардын үлүшү 69% түзөт. Ошол эле учурда үй ээлеринин жалпы санынын 97%ын аялдар түзөт.

Коомдо гендердик  боюнча жүргүзүлгөн сурамжылоонун жыйынтыгында, эркектер менен аялдардын 80%га жакыны аял үй-бүлөнү, бала-чаканы карап, эркек акча табышы керек деп эсептейт.