Бишкек шаарынын С. Кайназаров жана Профсоюзная көчөлөрүнүн кесилишинде жаңы эс алуу жайы пайда болот. Бул тууралуу Курулуш министрлиги билдирди.

Долбоорго ылайык, эс алуу жайында төмөнкү объектилер курулат:

• балдар аянтчасы;
• воркаут жайы;
• спорт аянтчасы;
• жөө жүргүнчүлөр үчүн тротуарлар;
• унаа токтотуучу жай.

Ошондой эле аймакка газондорду себүү, бак-дарактарды отургузуу, отургучтарды, таштанды урналарын жана энергия үнөмдөөчү жарыктарды орнотуу пландалууда.

Мекеме учурда долбоор Бишкек шаарынын мэриясынын райондук администрациясына кароого өткөрүлгөнүн билдирди.