Мүлктү камакка алуу, карыз алуучуну коргоо жана айып пул: КРда мыйзам долбоору даярдалдыЫсык-Көл менен Соң-Көлдө өндүрмөлүк балык уулоого үч жылдык мораторий киргизилдиМинистрлер кабинети ак кантты, анын ичинде ЕАЭБ өлкөлөрүнөн ташып келүүгө алты айга тыюу салдыБийлик маселени талкуулап жаткан чакта, Таш-Мойноктун балдары мектепке 2 км жөө каттоодоУлуттук музейде Лейлек килемдеринин фестиваль-жарманкеси ачылдыКыргызстан коррупцияга каршы күрөшүү тажрыйбасын Душанбеде тааныштырды
Талас облустук администрация УКМКнын билдирүүсү боюнча үн катты
30.09.2021 | 13:28
Таластын обуладминистрациясындагы коррупциялык схемага жетекчиликтин тиешеси жок. Бул тууралуу президенттин Талас облусундагы ыйгарым укуктуу өкүлчүлүгүнүн басма сөз кызматы билдирди.
Маалыматка ылайык, аталган коррупциялык схема тийиштүү укук коргоо органдары тарабынан өкүлчүлүктүн 2020-жылга чейинки ишмердүүлүгүнө жүргүзүлгөн текшерүү иштеринин жыйынтыгында аныкталган.
“Андыктан, учурдагы Президенттин Талас облусундагы ыйгарым укуктуу өкүлчүлүгүнүн жетекчилигине эч кандай тиешеси жок”,- деп билдирди аталган облустун башчысынын басма сөз кызматы.
Кечээ, 29-сентябрда УКМКнын басма сөз кызматынын маалыматына таянып бир нече массалык маалымат каражаттары, президенттин Талас облустук ыйгарым укуктуу өкүлчүлүгүндө коррупциялык схеманы аныктагандыгы тууралуу жазып чыккан. Маалыматта өкүлчүлүктүн айрым кызматкерлеринин мыйзамсыз иш аракеттеринен улам мамлекетке 15 млн. сом зыян келгени жана аталган факт боюнча сотко чейинки иликтөө иштери жүрүп жатканы айтылган.
Рубрики: Жаңылыктар, Саясат