“Социал-демократтар” партиясынын лидери Темирлан Султанбеков Ички иштер министрлигине (ИИМ) суракка чакырылды. Бул тууралуу маалыматты ал өзү бүгүн Reporter.kg ге билдирди.

Анын айтымында, адвокаты аркылуу аны бүгүн саат 16:00го суракка келип кетүүгө чакырган.

“Суракка кайсы иш боюнча чакырылганымды азырынча так билбейм. Ал жакка барганда билебизда”,- дейт Султанбеков.

Акыркы күндөрү  “Кумтөр” жана “Бийликти күч менен басып алууга” шек түү катары бир канча саясатчылар суракка чакырылууда.