Чикаго шаарында кол салууга кабылган кыргызстандык Шайлообек Базарбай уулунун ишин Тышкы иштер министрлиги көзөмөлгө алды. Бул тууралуу тышкы саясат мекемеси билдирди.

Башкы консулдук окуянын чоо-жайын аныктоодо.

Эскерте кетсек, Шайлообек Базарбай уулун АКШда өспүрүмдөрдүн тобу сабап, тоноп кетишкен.

Балдар кыргыз жаранынын бутун сындырып, жаңы машинасын талкалап, буюм-тайымын, паспорт, капчыгынан бери уурдап кетишкен.

Америкалык медиага маегинде, Шайлообек Базарбай уулу Чикагонун полициясы чара көрбөй, өспүрүмдөрдү кармабай жатканына арызданган.