Биздин жарандарыбызды мекенине кайтаруу маселесин чечүү кыйын болууда. Анткени көптөгөн өлкөлөр коронавирустун жайылышына каршы күрөшүү максатында чек араларын жапкан жана туруктуу авиабилдирүүлөрдү токтоткон. Бул тууралуу тышкы иштер министринин биринчи орун басары Нуран Ниязалиев бүгүн брифингде билдирди.

Ниязалиев чет өлкөлөрдө жүргөн жарандын ден соолугун тобокелчиликке салбоо үчүн турган жеринде калууга чакырып, жер-жерлерде Кыргызстандын дипломатиялык өкүлчүлүктөрүнүн кызматкерлери иштеп жатканын белгиледи. Ошондой эле алар мекендештерге жардам көрсөтүүгө же кеп-кеӊеш берүүгө даяр экенин кошумчалады.

Белгилей кетсек, пандемиянын башталышынан бери чет өлкөлөрдөн Кыргызстанга 7 888 жаран кайткан.