Суусамыр–Талас–Тараз унаа жолунун Өтмөк ашуусунда жана Бишкек–Ош жолунун Төө-Ашуу ашуусунда бүгүн кар жаады. Жол тейлөө ишканалары карды тазалап, инерттик материалдарды себүү иштерин жүргүзүүдө. Каттамдар ачык.

Транспорт жана коммуникациялар министрлиги туруксуз аба ырайына байланыштуу айдоочуларды унааларынын дөңгөлөктөрүн жайкыдан кышкыга алмаштырууга чакырды. Бул чара жолдордо коопсуздукту камсыз кылуу үчүн зарыл экени белгиленди.