Тоолуу аймактарда жана ашууларда кар көчкү түшүүсү мүмкүн. Бул тууралуу Өзгөчө кырдаалдар министрлиги билдирди.

Маалым болгондой, 30-январдан 1-февралга чейин күтүлүп жаткан жаан-чачынга байланыштуу Кыргызстандын тоолуу райондорунда, Каракол – Эңилчек жолунун 45-50, 74-90-чакырымдарындагы Чоң-Ашуу ашуусунда, Мырзаке – Кара-Кулжа –Алайкуу жолунун 60-110-чакырымдарында кар көчкү түшүүcү жана кар күрткүсү болушу ыктымал. Жолдор тайгак болуп, муз тоңот.

Министрлик айдоочулар унаалардын ортосунда 500 метр аралыкты сакташы керектигин эскертет.