Өлкө башчы Садыр Жапаровдун жарлыгы менен Аяз Баетов юстиция министри кызматынан бошотулду. Президенттин басма сөз кызматынын маалыматында, Баетов бул кызматтан башка ишке өткөндүгүнө байланыштуу кетти.

Президенттин дагы бир жарлыгы менен Алмаз Айылчиев юстиция министринин милдетин аткаруучу болуп дайындалды. Анын талапкерлиги аталган кызмат ордуна дайындоо үчүн Жогорку Кеңешке макулдашуу үчүн киргизилет.

43 жаштагы Айылчиев буга чейин Президенттин жана Министрлер кабинетинин укуктук жактан камсыз кылуу башкармалыгынын начальнигинин орун басары жана укуктук жактан камсыз кылуу бөлүмүнүн башчысы кызматында иштеп келе жаткан.