Бишкек шаарында тойдон кийин мушташып жаткан жарандардын видеосу социалдык тармактарга тараган. Бул боюнча 5 адам кармалганын Октябрь РИИБден билдиришти.

Маалыматка караганда, 21-августта Анкара көчөсүндө жайгашкан ресторандардын биринин унаа токтотуучу жайында мушташ болгон учур аныкталып, аталган факт катталып, тергөөгө чейинки текшерүү башталган.

Тиешелүү иш-чаралардын жүрүшүндө 32 жаштан 34 жашка чейинки беш жаран кармалып, Октябрь РИИБдин убактылуу кармоочу жайына киргизилди. Мушташтын себеби азырынча айтылган жок.