Ош шаарында 18 жаштагы кыз зордуктоого кабылганын билдирип, милицияга кайрылды. Бул тууралуу Ош облустук милициядан маалымдашты.

Маалыматка ылайык, 18-августта Кара-Кулжа районунун 2007-жылы туулган тургуну социалдык тармак аркылуу таанышкан болжол менен 30–35 жаштагы адам аны Ош–Араван жолунда унаасында күч колдонуп зордуктаганын айткан.

Окуя боюнча факт катталып, тергөөгө чейинки текшерүү иштери башталды. Шектүү катары Араван районунун 1996-жылы туулган тургуну кармалып, тергөө кызматына жеткирилди.

“Жабырлануучуга экспертизалар дайындалып, анын жыйынтыгы боюнча мыйзамдуу чечим кабыл алынары белгиленди”,-деп айтылат маалыматта.