Нариман Түлеев Бишкектеги «Айчүрөк» соода борборунун жанындагы фонтан өз ордунда каларын, учурда ал реконструкцияланып жатканын билдирди. Бул тууралуу «Кабар» агенттигине берген маегинде айтты.

Анын айтымында, фонтан жана анын жанындагы ат эстеликтер курулушка байланыштуу алынган.

“Ал жерди «Айчүрөк» соода борборунун жетекчилиги жасаттырууда. Фонтандын айланасы жашылдандырылып, дарактар отургузулат. Шаардыктар ойлонбой эле койсо болот, баары мурдагыдан да жакшы болуп жасалып, ордуна коюлат”,-деген ал.