“Тулпар” картасы менен Өзбекстанда коомдук транспортко жол кире төлөөгө болот. Бул тууралуу Бишкек мэриясы билдирди.

Ордо калаа Өзбекстан менен келишимге кол койду. Маалыматка караганда, кыргыз жарандары “Тулпар” менен Өзбекстандын бардык шаарларында акы төлөй алышат. Ал эми кошуна өлкөнүн АТТО картасы Бишкекте гана колдонулат.

“Бул кызматташтык транспорттук системалардын интеграциясын тездетүү менен чектелбестен, саякаттоо бардыгы үчүн ыңгайлуу жана жеткиликтүү кылат. Техникалык адистер эки системаны интеграциялоого даярдык баштады”, – дейт мэрия.