Улуттук коопсуздук мамлекеттик комитети Нарын облусунун Ак-Талаа районундагы Баетов айылынан жалпы аянты 1,98 гектарды түзгөн жер тилкесин мамлекетке кайтарды.

Маалыматка ылайык, жер тилкеси 1964-жылы түзүлгөн Колхоздор аралык курулуш уюмуна өндүрүш объекттерин куруу максатында бөлүнүп берилген. 1993-жылы уюм «Демилге» акционердик коому болуп кайра түзүлүп, жетекчиликке Ч.К. шайланган. Ал 2004-жылы ишкананы жоюу жолу менен мүлктү жеке менчикке өткөрүп жиберген.

Учурда жер тилкеси тиешелүү акттын негизинде Баетов айыл өкмөтүнүн балансына өткөрүлдү.

УКМКнын билдиришинче, мурдагы Колхоздор аралык курулуш уюмуна тиешелүү башка объекттерди да мамлекетке кайтаруу боюнча иштер улантылууда.