“Кыргызстандын улуттук электр тармагы” компаниясына караштуу Бишкек электр тармактары ишканасынын улук инспектору пара опузалоого шектелип кармалды. Бул тууралуу УКМКдан билдиришти.

Атайын кызматтын маалыматы боюнча, Бишкек электр тармактары ишканасынын техникалык коопсуздук кызматынын улук инспектору (К.С.) жаңы көп кабат турак үйлөрдү электр жарыгына кошууга керектүү документти берүүдө курулуш компаниялардан акча опузалап келген.

Ал 25-декабрда 1 млн 50 миң сом алып жатканда кармалган. Шектүү № тергөө абагына камакка алынды.

Ага Кылмыш-жаза кодексинин 343-беренесинин 3-бөлүгү (өзгөчө ири өлчөмдө пара талап кылуу) менен кылмыш иши козголду.