2026-жылы республика боюнча жашылча өсүмдүктөрү 37 771 гектар аянтка себилди. Анын ичинен сабиздин айдоо аянты болжол менен 7,6 миң гектарды түзөт.

Салыштыруу үчүн, 2025-жылы сабиз 7 332 гектар аянтта өстүрүлүп, орточо түшүмдүүлүк гектарына 259,9 центнерди түзгөн.

Быйыл аба ырайынын ыңгайлуу болушу жана агротехникалык иштердин өз убагында жүргүзүлүшү сабиздин түшүмдүүлүгүнө оң таасирин тийгизүүдө. Алдын ала эсептөөлөр боюнча, 2026-жылы сабиздин орточо түшүмдүүлүгү гектарына 300–310 центнерге жетип, жалпы түшүм 235–245 миң тоннаны түзүшү мүмкүн.

Белгиленгендей, мындай көлөм ички рыноктун сабизге болгон керектөөсүн камсыздап, калктын суроо-талабын негизинен ата мекендик өндүрүштүн эсебинен канааттандырууга мүмкүндүк берет.