«Түндүк» мобилдик колдонмосунда автотранспорт каражатынын мамлекеттик каттоо номерин кайра тариздөө кызматы онлайн режимде жеткиликтүү болду. Бул тууралуу «Түндүк» электрондук өз ара аракеттенүү борбору билдирди.

Жаңы функция мамлекеттик номерди башка адамга өткөрүп берүү жараянын санариптештирди. Каттоо ишин номердин учурдагы ээси баштайт, ал эми номер өткөрүлүп жаткан адам өз тарабынан ырастайт.

Кызматты колдонуучулар процесстин бардык баскычтарын онлайн жүргүзүп, арыздын статусун мобилдик тиркеме аркылуу көзөмөлдөй алышат.