Валюта рыногунда бир доллар 79,5 сомдон сатып алынууда

Валюта рыногунда бир доллар 79,5 сомдон сатып алынууда

2022-жылдын 27-июнунда Кыргызстандын банктары банктар аралык валюта тооруктарында 7 миллион 975 миң долларды сатып алышты. Бул тууралуу Улуттук банктын сайтында маалымдалды.

Бүтүм жасалган күндөгү эсептешүүлөрдүн суммасы 2 миллион долларды, ал эми бүтүм түзүлгөн күндөн башкача күндөгү эсептешүүлөр менен 5 миллион 975 миң долларды түздү.

Ачылыш жана жабуу курсу 1 доллар үчүн 79,5 сомду түздү. Мындай курс менен америкалык валюта акыркы жолу 22-июнда сатылган.

Эске салсак, 24-июндагы аукциондо банктар акыркы алты айдагы рекорддук сумманы — 66 миллион 350 миң долларды сатып алышкан. Андан кийин ачылыш курсу 1 доллар үчүн 79,52 сом, жабылуу курсу 1 доллар үчүн 79,5 сом деп белгиленген.

Поделиться в социальных сетях:

Тема боюнча жаңылыктар

Бардык жаңылыктар >>