Британдык ырчы Бонни Тайлер (Bonnie Tyler) 75 жаш курагында көз жумду. Артисттин өлүмү тууралуу анын үй-бүлөсү жана командасы кабарлады. Билдирүүдө ырчы Португалиядагы ооруканалардын биринде дарыланып жаткан оорусунан улам каза болгону айтылат.

2026-жылдын май айында Бонни Тайлер Фару шаарындагы ооруканага чукул жаткырылып, ичегисине операция жасалган. Кийинчерээк ал жасалма комага киргизилген. Июнь айында артисттин өкүлдөрү анын комадан чыкканын, бирок абалы оор бойдон калып жатканын билдиришкен.

Бонни Тайлер 1951-жылы Уэльсте туулган. Ал карьерасында дүйнө жүзү боюнча 100 миллиондон ашык пластинкасын сатып, үч жолу «Грэмми» жана Brit Awards сыйлыктарына көрсөтүлгөн.

Ырчыга эң чоң атак-даңкты 1983-жылы чыккан «Total Eclipse of the Heart» ыры алып келген. Бул композиция бир нече өлкөнүн музыкалык чарттарында биринчи орундарды ээлеген, ал эми 2026-жылдын башында Spotify платформасында 1 миллиард жолу угулган чекке жеткен.