Кыргызстандын Башкы прокуратура Чүйдүн Ысык-Ата районунда баасы 20 млн сомду түзгөн бала бакча мамлекетке кайтарылганын билдирди.

Ысык-Ата районунун прокуратурасы Үч-Эмчек айылындагы бала бакчанын имаратын жана ага таандык жер тилкесин текшерген. Анын жүрүшүндө аталган объект 1992-жылы мыйзамсыз түрдө жеке менчикке берилип кеткени аныкталган.

Прокурордук чаралардын натыйжасында бала бакчанын имараты жер тилкеси менен кошо мамлекеттин менчигине кайтарылды.