Чолпон-Ата шаарындагы кум жээкте Ысык-Көл ОИИБдин Милициянын кайгуул-күзөт кызматынын кызматкери, милициянын сержанты Бауржан Абакиров чөгүп бара жаткан өспүрүмдү куткарып калды. Бул тууралуу облустук Ички иштер башкармалыгынын басма сөз кызматы билдирди.

Посмотреть эту публикацию в Instagram

Публикация от Reporter.kg (@reporter_kg)

Мекеменин маалыматына караганда, кечээ эркек киши жашы жете элек уулу менен эс алып жүргөн учурда аба ырайы кескин начарлап, катуу шамал башталган. Натыйжада толкундар өспүрүмдү терең жерге тартып кеткен. Баланын апасы жардам сурап жакынкы милиция пунктуна кайрылган. Билдирүүнү алган сержант Абакиров дароо көлгө кирип, өспүрүмдү жээкке алып чыккан.

Жеринде балага биринчи жардам көрсөтүлдү. Анын өмүрүнө жана ден соолугуна коркунуч жок.

Өспүрүмдүн апасы милиция кызматкеринин кесипкөйлүгүн жана ыкчамдыгын белгилеп, ага ыраазычылык билдирди.