Ысык-Көл облусунун Ак-Суу районундагы Жыргалаң айылынын тоолуу аймагында адашып кеткен эки чет өлкөлүк жаран табылып, коопсуз жерге жеткирилди.

ӨКМдин маалыматына караганда, 2001-жылы туулган Я.Э. жана 2003-жылы туулган Е.У. аттуу Израиль жарандары 11-августта тоодо жол таппай калган.

Издөө иштерине Тоо-кен куткаруу кызматынын №7-өзүнчө мобилдештирилген взводунан төрт куткаруучу тартылып, туристтер Керме-Тоо жайлоосуна чейин жеткирилип, туристтик топко өткөрүлүп берилди.

Абалдары канааттандырарлык.