Бүгүн, 2-октябрда саат 6:43тө Ысык-Көл облусунда күчү 3 баллга жеткен жер титирөө катталды. Бул тууралуу Улуттук илимдер академиясынын Сейсмология институту маалымдады.

Аталган институттун маалыматына ылайык, жер титирөөнүн очогу 20 чакырым тереңдикте, Жетим-Бел кырка тоосунда жайгашкан. Ал Кажы-Сай айылынан 52 чакырым түштүк-чыгышты, Каракол шаарынан 115 чакырым түштүк-батышты көздөй болгон.

Сейсмологдордун айтымында, жер титирөө Кыргызстандын калктуу аймактарында сезилген эмес.