9-10-август күндөрү Ысык-Көл облусунун Тоң районунда ILBIRS FEST 2025 экологиялык фестивалы өтөт. Бул тууралуу Туризм департаменти билдирди.

Иш-чара Кыргызстандын символу болгон ак илбирсти жана жаратылышты коргоо, ошондой эле өлкөнүн маданий мурасын сактоого арналат.

Фестивалда конокторго кызыктуу программалар сунушталат:

• Эко жарыштар жана спорттук мелдештер;
• Манасчылар жана акындардын катышуусунда этнопрограммалар;
• Арт-инсталляциялар жана мастер-класстар, ошондой балдарга арналган көңүл ачуучу зоналар уюштурулат;
• Жаратылышты коргоо боюнча окумуштуулар жана адистер менен жолугушуулар өтөт;
• Улуттук боз үйдөгү жашоо көрсөтүлүп, улуттук тамак-аштардын этногастрономиялык зоналары уюштурулат.

Фестивалга катышуу акысыз.