Ысык-Көл облусунда узундугу 52 чакырымды түзгөн Түп — Кеген жолу пайдаланууга берилди. Ачылыш аземине Кыргызстандын Президенти Садыр Жапаров катышты.

Президенттик администрациянын маалыматына ылайык, жолдун 39–76-чакырымындагы тилке жана Каркыра – Турук – Сары-Жаз автожолунун 13 чакырымы заманбап стандарттарга ылайык толугу менен жаңыдан курулган.

Президент Садыр Жапаров белгилегендей, бул трасса Ысык-Көлдү боордош Казакстандын Алматы облусу жана Алматы шаары менен туташтырып, чоң экономикалык жана социалдык мааниге ээ болот.

«Бул — күнү-түнү, жылдын бардык мезгилинде иштей турган, жаркыраган түптүз трасса. Долбоордун алкагында жолду кышында тейлей турган атайын техникаларды сатып алуу да каралган», — деди мамлекет башчысы.