Жалал-Абад шаарында 1 тоннадан ашык көлөмдө самогон өндүргөн жай аныкталды. Бул тууралуу Салык кызматы билдирди.

Маалыматка ылайык, рейддик текшерүү учурунда сатууга даярдалып жаткан 29 челек (5 миң 200 литрге жакын) алкоголдук продукция табылган.

Жерине чара көрүү үчүн укук коргоо органдарынын кызматкерлери чакырылып, аталган жайга мөөр басылган.

Салык кызматы уруксат документтери жок алкоголдук продукцияны өндүрүү, сатуу мыйзамды одоно бузуу болуп саналарын жана мыйзам талаптарына ылайык жоопкерчиликке тартыларын эскертти.