29-октябрда Бишкек шаарынын «Мурас Ордо» конушунда ичүүчү сууну берүү саат 10:00дөн 22:00гө чейин токтотулат. Бул тууралуу борбор калаа мэриясы билдирди.

Суу берүү «Мурас Ордо» суу топтомосунда жана шаардык суу түтүктөрүндө жүргүзүлүүчү пландуу оңдоп-түзөө иштерине байланыштуу өчүрүлөт. Чектөө конуштагы турак жай имараттарына, мектептерге, бала бакчаларга, медициналык мекемелерге, социалдык жана өнөр жай объекттерине тиешелүү.

«Бишкексууканал» муниципалдык ишканасы тургундарды жана мекемелерди ичүүчү сууну алдын ала камдап алууга чакырды.