Жалал-Абад шаарында жүргүзүлгөн рейд учурунда жүзүн жаап жүргөн 7 жаранга айып пул салынды. Бул тууралуу шаардын мэриясы кабарлады.

Маалыматка ылайык, “Никаб” аталышындагы рейд Жалал-Абад шаарынын мэриясы, шаардык милиция жана миграция башкармалыгы тарабынан биргеликте өткөрүлгөн. Анда борбордук базарларда, коомдук жайларда жүзүн никаб менен жаап жүргөн жарандарга түшүндүрүү иштери жүргүзүлүп, никаб кийип жүргөндөргө айып пулдар салынды.

Белгилей кетсек, мыйзамга ылайык мамлекеттик бийлик органдарынын мекемелеринде жана коомдук жайларда жүзүн толугу менен жашырууга тыюу салынат. Ага баш ийбегендерге 20 миң сом айып пул салынат.