Бүгүн, 30-майдан тарта Бишкек шаарынын Жаш Гвардия бульварынын Чүй проспектисинен Токтогул көчөсүнө чейинки бөлүгүнүн чыгыш тарабы оңдоо үчүн жабылат. Бул тууралуу шаар мэриясы кабарлады.

Автоунаа кыймылы үчүн жолдун батыш тарабынан убактылуу эки тараптуу кыймыл уюштурулган.

Мэрия тургундарга убактылуу ыңгайсыздыктарга түшүнүү менен мамиле кылууну жана жол тыгындарын болтурбоо үчүн маршрутту алдын ала пландаштырууну, ошондой эле жеке транспорттун ордуна коомдук транспортту колдонууну сунуштады.