22–23-октябрь күндөрү Кыргыз Республикасынын тышкы иштер министри Жээнбек Кулубаев Грузиянын Батуми шаарына жумуш сапары менен барат. Бул тууралуу Тышкы иштер министрлиги билдирди.

Сапардын жүрүшүндө Кулубаев Борбордук Азия мамлекеттеринин жана Грузиянын тышкы иштер министрлеринин жыйынына катышат.

Жолугушууда тараптар аймактар аралык жана эл аралык маселелерди, ошондой эле Борбордук Азия өлкөлөрү менен Грузиянын ортосундагы саясий, соода-экономикалык жана транспорттук-логистикалык байланыштарды өнүктүрүүнүн келечегин талкуулашат.