«Бишкекгаз» газ кызматы 22–23-октябрда Бишкектин бир катар райондорунда жана шаар четиндеги айылдарда жаратылыш газын берүүнү убактылуу токтотот. Буга орто басымдагы жер астындагы газ түтүгүндө жүргүзүлө турган оңдоо иштери себеп болот.

Газ берүү төмөнкү көчөлөр жана объектилер менен чектелген аймактарда токтотулат:

• Аламүдүн жана Төмөнкү Ала-Арча айылдары;
• БЧК, Алма-Ата, Гидростроительная, Аул, Курманалиев, Первомайская, Логвиненко, Кыргызская, Бухарская, Коллективная, Кырк-Чоро жана Элебесов көчөлөрү;
• Дачный жана Заводской туюк көчөлөрү;
• Жогорку Ат-Башы каналы, айланма жол жана Ала-Арча дарыясы;
• Красный строитель, Кайыңды, Эне-Сай, Керамическая, Чалбай, Ак-Тилек-1 жана Ак-Тилек-2 турак жай конуштары.

Ошондой эле «Шоро», «Шин-Лайн», «Куликовский торт» ишканалары, «Сантех Заготовок» заводу жана Элебесов көчөсү, 211 дарегинде жайгашкан шаардык кургак учукка каршы күрөшүү ооруканасы газсыз калат.