Ысык-Көл облусунун Жети-Өгүз районундагы мыйзамсыз менчиктештирилген бала бакча жана күрөш залы мамлекетке кайтарылды. Бул тууралуу УКМК кабарлады.

Маалыматта айтылгандай, 1997-жылы аталган райондун Светлая-Поляна айылында жайгашкан аянты 257 чарчы метр бала бакча 65 сотых жер тилкеси менен кошо мыйзамсыз менчикке берилген. Ошондой эле 2011-жылы Дархан айылындагы балдар-өспүрүмдөр спорт мектебинин 150 чарчы метр күрөш залы жеке менчикке мыйзамсыз чыгарылган.

Жүргүзүлгөн иштердин натыйжасында, аталган объекттерди ээлери мамлекеттин балансына ыктыярдуу түрдө өткөрүп беришкен.