Бишкекте «Бишкекасфальтсервис» ишканасынын «Сапат Геодезия» подряддык уюму Кулиев көчөсүн балдар аянтчасынан Максат көчөсүнө чейинки бөлүгүндө капиталдык оңдоо иштерин жүргүзүүдө.

Мэриянын маалыматына ылайык, учурда бригада канализациялык кудуктарды көтөрүү жана жер иштерин пландаштыруу иштерин аткарып жатат. Бул — жаңы жол катмарын төшөөгө даярдык этабы.

Буга чейин аталган тилкеге жолдун абалын жакшыртуу үчүн бир нече жолу шагыл төгүлгөн.

Оңдоо иштери «Көлмө» конушунун тургундарынын коопсуздугун камсыздоого жана жол инфраструктурасынын сапатын жакшыртууга багытталган.