Үстүбүздөгү жылдын 10 айында 74 миң 248 баш уй уруктандырылды. Бул былтыркы жылдын ушул мезгилине салыштырмалуу 6 миң 763 башка көп. Бул тууралуу Айыл чарба министрлиги билдирди.

Маалыматка ылайык, 2025-жылга ири мүйүздүү малдарды жасалма жол менен уруктандыруу үчүн 270 миң доза уруктук материалды сатып алуу каралган.

“Бүгүнкү күнгө өлкөнүн дээрлик бардык облустарына 98 миңден ашуун урук материалдары акысыз таратылды. Андан тышкары, урук менен кошо “Элита” мамлекеттик ишканасында өндүрүлгөн 7 тоннадан ашуун суюк азот аймактардагы техник-уруктандыруучуларга берилүүдө”,- деп билдирди министрлик.