Салык кызматы жыл башынан бери күйүүчү-майлоочу майга салынган акциз салыгынан бюджетке 3,7 млрд сом түшкөнүн билдирди. Бул өткөн жылга салыштырмалуу 79 млн сомго көп.

Ошондой эле 11 айда 2,1 млн тонна бензин жана дизель отуну маркаланган.

Кыргызстанда 2024-жылдын 1-октябрынан тарта күйүүчү майды милдеттүү маркалоо тутуму киргизилген. Ал күйүүчү майдын мыйзамсыз жүгүртүлүшүнө каршы күрөшүүгө, сапатты жакшыртууга жана салыктык башкарууну күчөтүүгө багытталган.