27-майда Курман айт майрамына байланыштуу республика боюнча бардык Калкты тейлөө борборлору (КТБ) жабык болот. 28-майдан тарта КТБлар кадимки (штаттык) режимде ишин улантат.

Мамлекеттик кызматтарды алууга муктаж болгондорго «Кызмат» мамлекеттик ишканасы «Түндүк» мобилдик тиркемесин колдонууну сунуштайт.

Тиркемеде электрондук кезекке туруу, ID-картаны жана жалпы жарандык (чет өлкөлүк) паспортту тариздөө, электрондук кол тамга алуу, жашаган жери боюнча онлайн-каттоодон өтүү, аты-жөнүн өзгөртүү, күбөлүктөрдү алуу жана кайра берүү, ошондой эле маалымкаттарды жана көчүрмөлөрдү алуу сыяктуу кызматтар жеткиликтүү.