9-22-май күндөрү Кыргызстандын тышкы иштер министри Жээнбек Кулубаев Мозамбикке жана Намибияга расмий сапарлар менен барат. Бул кыргыз дипломатиясынын тарыхында аталган өлкөлөргө жасалган алгачкы сапар болуп саналат.

Тышкы иштер министрлигинин маалыматында, сапарлар Африка өлкөлөрү менен эки тараптуу жана көп тараптуу кызматташтыкты чыңдоо, ошондой эле саясий диалогду өнүктүрүү максатын көздөйт.

Министр Мозамбик жана Намибиянын расмий өкүлдөрү менен жолугушуп, кызматташтыктын учурдагы абалын жана келечегин талкуулайт. Сүйлөшүүлөрдүн жыйынтыгында эки тараптуу мамилелердин келишимдик-укуктук базасын кеңейтүүгө багытталган документтерге кол коюу пландалууда.