Бишкектин Свердлов райондук соту активист Мелис Аспековдун бир тууган иниси Аспек Азамат уулуна карата соттук материалды карады. Бул тууралуу Reporter.kg’ге Бишкек шаардык сотунун басма сөз кызматы билдирди.

Аспек Азамат уулуна карата баш коргоо чарасы бир айга – 9-майга чейин камакка алынды.

Буга чейин Свердлов районунун ички иштер башкармалыгы Аспек уулу алдамчылыкка шектелип кармалганын билдирген.

Анын үстүнөн Бишкек шаарынын тургуну милицияга арыз менен кайрылган.

Маалым болгондой, Аспек уулу андан Сары-Өзөн базарынан жер тилкесин алууга жардам берем деп 44 миң доллар алган. Аспек уулу ал кишини президент менен байланышы бар экенин, жер тилкесин ала аларына ишендирген. Ал акчаны алгандан кийин арыздануучудан качып кеткен.