Бишкекте баңгизат жана психотроптук заттарды мыйзамсыз даярдоого шектүү кармалды. Бул тууралуу шаардык милициядан билдиришти.
Маалым болгондой, Баңгизаттын мыйзамсыз жүгүртүлүшүнө каршы кызмат мессенжер аркылуу баңгизат саткан интернет-дүкөндүн ишине бөгөт коюу боюнча атайын операция жүргүзгөн.
Аталган факт боюнча Кылмыш-жаза кодексинин 283-беренеси (Баңгизат каражаттарын, психотроптук заттарды жана алардын аналогдорун сатып өткөрүү максатысыз мыйзамсыз даярдоо) боюнча кылмыш иш козголгон.
Ыкчам-тергөө иштеринин натыйжасында интернет-дүкөндүн администратору аныкталып, 27 жаштагы Х.О. аттуу жаран кармалган. Анын жанынан 5 кутуга салынган баңгизатка окшогон зат жана интернет дүкөндүн аккаунту бар телефон табылган. Экспертиза шектүүдөн табылган зат нашаа экенин көрсөткөн, анын салмагы 7,5 граммды түзгөн.
Шектүү соттун чечими менен №1 тергөө абагына 2 айга камакка алынган.
Ошондой эле, кылмыш иштин алкагында шектүү жашаган үйдө тинтүү жүргүзүлүп, салмагы 105 грамм марихуана табылган.
Биздин Телеграм каналга катталыңыз
