Бишкектин дагы эки көчөсү 13-январдан тарта бир тараптуу болот. Бул тууралуу мэрия билдирди.
Жалпы сегиз көчөдө бир тараптуу кыймыл уюштурулуп, эки көчө эки тараптуу болот.
«13-январдан тарта Орозбеков жана Раззаков көчөлөрү бир тараптуу болот. Учурда тиешелүү жол белгилери орнотулууда», — деп айтылат маалыматта.
Бир тараптуу болгон көчөлөрдүн тизмеси:
Гоголь көчөсүндөгү жол тилкеси Жумабектен Москва көчөсүнө чейин (түндүктөн түштүккө);
Сүйүмбаевдин Москвадан Жибек Жолу көчөсүнө чейинки бөлүгү (түштүктөн түндүккө);
Турусбеков көчөсүнүн Москвадан Жибек Жолу проспектине чейинки бөлүгү (түштүктөн түндүккө);
Үмөталиев көчөсүнүн Жибек Жолу проспектинен Москва көчөсүнө чейинки тилкеси (түндүктөн түштүккө);
2024-жылдын 13-январынан баштап:
Раззаковдун Киевден Москва көчөсүнө чейинки бөлүгү (түндүктөн түштүккө);
Орозбековдун Москвадан Киев көчөсүнө чейинки бөлүгү (түштүктөн түндүккө).
Дагы эки көчөнүн тилкелеринде бир тараптуу кыймыл уюштурулат:
Калык Акиевдин Москва көчөсүнөн Жибек Жолу проспектине чейинки тилкеси (түштүктөн түндүккө);
Тыныстановдун Фрунзе көчөсүнөн Бөкөнбаев көчөсүнө чейинки бөлүгү (түндүктөн түштүккө).
Уюштурула турган эки тараптуу кыймыл:
Кулатовдун Панфиловдон Логвиненко көчөсүнө чейинки бөлүгү;
Бөкөнбаевдин Эркиндик проспектинен Абдрахманов көчөсүнө чейинки бөлүгү.
Мэрия өзгөрүүлөргө түшүнүү менен мамиле жасап, жол эрежелерин сактоого чакырат.
Биздин Телеграм каналга катталыңыз
