Ички иштер министрлиги өлкөдөн тышкары тергөөдөн жана соттон качып жүргөн адамдарды издөө боюнча иштерди улантып жатат. Бул тууралуу ИИМдин Басма сөз кызматы кабарлады.

Окуянын чоо-жайы:

• 2024-жылдын 18-декабрында Бишкектин Октябрь РИИБине жаран Ф.Ж. арыз менен кайрылып, 2021-жылдын август айында Түркиядан эмерек алып келүүгө 100 миң АКШ доллары аванс алган дүкөн кызматкерлери милдетин аткарбай качып кеткенин билдирген.
• Кыргызстандын жана Түркиянын ИИМдери жүргүзгөн иш-чаралардын негизинде Түркия аймагынан жаран К.Г. кармалып, Кыргызстанга алынып келинип, тергөө органдарына өткөрүлүп берилди.

Мындан тышкары, 2025-жылдын 12-сентябрында Вьетнам аймагынан 1999-жылы туулган жаран Т.А. кармалган. Ал Кыргызстандын Кылмыш-жаза кодексинин 204-беренеси (алдамчылык, эски редакция) боюнча эл аралык издөөдө болгон. Учурда аны Кыргызстанга кайтаруу боюнча иштер жүрүүдө.

ИИМдин маалыматына ылайык, бул иштер Башкы прокуратура жана УКМК менен биргеликте аткарылды.