Кыргызстанда аз камсыз болгон үй-бүлөлөрдүн 16 жашка чейинки балдарына ай сайын берилүүчү «үй-бүлөгө көмөк» жөлөк пулун берүү тартибине өзгөртүүлөр киргизилди. Тиешелүү токтомду Министрлер Кабинети үстүбүздөгү жылдын 10-апрелинде кабыл алды. Бул тууралуу Эмгек, социалдык камсыздоо жана миграция министрлиги билдирди.

Токтомго ылайык, жөлөк пул алуу шарттарына төмөнкүдөй өзгөртүүлөр киргизилди:

• жеңил автоунаанын пайдалануу мөөнөтү (заводдон чыккан жылды кошкондо) 20 жылдан 15 жылга кыскартылды;
• менчигинде бир гана турак жайы бар үй-бүлөлөр жөлөк пул алууга укуктуу, ал
  эми эки же андан көп турак жайы барларга бул жөлөк пул берилбейт;
• муктаждыкты аныктоочу кепилденген эң төмөнкү кирешенин өлчөмү 1000
  сомдон 1500 сомго чейин жогорулатылды.

Бул өзгөртүүлөр 2026-жылдын 1-сентябрынан тартып күчүнө кирет.

Министрлик райондук коэффициент каралган калктуу конуштарда жашаган жарандарга жөлөк пул тиешелүү коэффициентти кошуу менен төлөнөрүн кошумчалады.