Восточное айылындагы жергиликтүүлөрдүн мушташы суу талаштын айынан келип чыккан. Чүй облустук милициясынан билдиргендей, муну улут аралык жаңжал деп атоого негиз жок.

Мушташ тууралуу билдирүү аймактык милициянын нөөмөт бөлүмүнө 10-июлда саат 11:05тер чамасында келип түшкөн.

Окуя болгон жерге барган ыкчам топ, жаңжалдын турмуштук жагдайлардан улам келип чыкканын аныкташкан. Мушташтын кесепетинен 3 киши жабыркап, ооруканага жеткирилген.

Бул факты Кылмыштар жана жоруктардын бирдиктүү реестрине “Бейбашчылык” беренеси менен каттоого алынып, кылмыш ишке 2 адам шектелип жатат. Алардын бири ооруканага жаткырылса бири убактылуу кармоочу жайга киргизилген.