Министрлер кабинетинин төрагасы Адылбек Касымалиев 30-31-январда жумуш сапары менен Алматы шаарына (Казакстан) барат. Бул тууралуу өкмөттүн маалымат кызматы билдирди.

Сапардын алкагында Касымалиев Евразиялык Өкмөттөр аралык кеңешинин кезектеги жыйынына катышат. Ошондой эле жыл сайын өтүүчү Digital Almaty 2025 санариптик форумунда сөз сүйлөйт.

Андан тышкары бир катар өлкөлөрдүн өкмөт башчылары менен эки тараптуу жолугушууларды өткөрөрү пландалууда.