3-августта Aero Nomad Airlines авиакомпаниясы Бишкек — Үрүмчү жаңы эл аралык багыты боюнча туруктуу каттамдарды аткара баштады. Бул багыт Кыргызстан менен Кытайдын ортосундагы транспорттук байланышты кеңейтүү стратегиясынын алкагында ишке ашырылды.

«Манас» эл аралык аэропортунан учкан алгачкы КА887 каттамында 157 жүргүнчү болду. Алардын катарында жаңы каттамды жеринде сынап көрүп, Кытайга карай жолдо авиакомпаниянын тейлөө сапатына баа берип кайтышкан Reporter.kg басылмасынын кабарчылары да бар.

Үрүмчү шаарындагы Тяньшань эл аралык аэропортунда учакты салттуу суу аркасы менен тосуп алышты. Андан соң экипаж менен жүргүнчүлөр үчүн өнөктөштөрдүн жана аэропорт өкүлдөрүнүн катышуусунда салтанаттуу иш-чара уюштурулду.

Жаңы авиакаттамдын мааниси тууралуу Oriental Sky Aviation Service Company Limited компаниясынын өкүлү Оливия Ма (Olivia Ma) Reporter.kg сайтынын кабарчыларына берген комментарийинде төмөнкүлөрдү белгиледи:

«Кытай менен Кыргызстан — экономика жана маданият тармагында абдан жакын өнөктөштөр. Мен «Бир алкак, бир жол» демилгесинин алкагында бул каттам биздин өлкөлөрдү жана эки мамлекеттин элин дагы да жакындатат деп ишенем».

Aero Nomad Airlines компаниясынын башкы директору Нурадин Касымов түз каттам ишкерлер, студенттер жана туристтер үчүн сапарларды бир топ жеңилдетип, Улуу Жибек жолу салтынын заманбап уландысы болорун кошумчалады.

2026-жылдын август жана сентябрь айларындагы каттамдар үчүн өзгөчө шарттар каралган:

• акысыз жүктүн (багаж) салмагы — 40 кг чейин (кол жүгү — 7 кг чейин);
• учактагы орунду акысыз тандоо (авариялык чыгуу орундарынан тышкары);
• www.aeronomad.kg сайтынан билет алууда REPORTERKG промокоду менен 5% арзандатуу.

Учуулардын графиги жана баасы
Каттамдар жумасына бир жолу төмөнкү тартипте аткарылат:

• Бишкек → Үрүмчү: дүйшөмбү күндөрү (учуу убактысы — 1 саат 35 мүнөт).
• Үрүмчү → Бишкек: шейшемби күндөрү (учуу убактысы — 1 саат 45 мүнөт).

Авиабилеттин баасы 13 118 сомдон башталат. Билеттерди авиакомпаниянын расмий сайтынан жана авиакассалардан сатып алууга болот.